CEBU, Philippines - Ang gikahinaman nga 1st Mayor Teresito Mariñas Invitational Basketball Tournament buksan na karong gabii didto sa Barili Sports Complex.
Walo ka teams nga gibahin sa duha ka brackets ang magtigi.
Nagtapok sa bracket A (commercial teams) mao ang DG Saloon, AC Troopers, Tonipet ug Team Rama, samtang sa bracket B naglakip sa UV, USJ-R, USC ug SIT (collegiate teams).
Sa opening game, ang DG Saloon makigsangka sa AC Troopers, sundan sa duwa tali sa UV Green Lancers ug USJ-R Jaguars.
Matud pa ni tournament commissioner Julie Flores nga ang top two teams sa matag bracket maoy moabante sa crossover semifinals diin ang top team sa bracket A makigsangka sa no. 2 sa bracket B, samtang ang no. 1 team sa bracket B makigbatok sa no. 2 sa bracket A.
Mga ganting salapi ang madawat sa mga mananaog diin ang mokampiyon makadawat og P50,000, ang second placer makaangkon og P30,000 ug ang third placer mobulsa og P20,000. Ang mokapyot sa ikaupat makadawat og P10,000.