CEBU, Philippines - Mikabat sa 19 ka teams ang mosalmot sa labing dakong kalihokan sa Cebu Youth Basketball League nga mao ang CYBL Vismin Goodwill Games nga naglakip sa tulo ka bisitang teams gikan sa Bacolod, Iloilo ug Cagayan de Oro nga adto ipahigayon sa Sacred Heart School-Ateneo de Cebu Gym sa Canduman, Campus sa dakbayan sa Mandaue.
Langkuban kini sa mga team nga misalmot sab sa Small Basketeers Philippines (SBP) ug sa Passerelle divisions.
Ang 11 ka teams nga mosalmot sa SBP division mao ang Ateneo de Iloilo, St. John’s Institute of Bacolod, Warriors Basketball Club of Bacolod, Xavier University/Ateneo de Cagayan, Cebu Eastern College, University of San Carlos, University of the Visayas, Don Bosco Technology Center, St. Benedict’s Child Learning Center, University of San Jose Recoletos ug ang SHS-Ateneo de Cebu.
Sa laing bahin, ang walo ka teams gikan sa Passerelle division mao ang St. John’s Institute (Bacolod), Ateneo de Iloilo, CEC, USC, Don Bosco A, Don Bosco B, USJR ug SHS-Ateneo de Cebu.
Ang maong kalihokan molungtad hangtod sa Sabado, Hunyo 1.
Ang host SHS-Ateneo de Cebu maoy defending champion sa SBP division dihang ilang gipilde ang St. John’s sa 2012 finals.
Ang CEC maoy champion sa Passerelle division sa miaging tuig human ilang gipilde ang USC.
Gibahin ang SBP division ngadto sa duha ka grupo nga adunay lima ka teams matag bracket nga moduwa og single round robin matag grupo. Moabante dayon sila ngadto sa quarterfinals ug dayon sa semifinals playoffs sa dili pa himoon ang championship game.
Ang Passerelle division aduna nay usa ka grupo ug ang elimination round himoon gihapon nga usa ka single round robin format ug ang top two teams maoy moabante sa finals.
Ang CYBL Vismin Goodwill Games nagsugod niadtong 2011 sa usa lang ka yanong weekend dual meet batok sa Bacolod ug Cebu nga bugtong tumong mao ang paghimo og tune-up games isip pagpangandam sa umaabot nga season nga naglakip sa Milo BEST SBP- Passerelle