CEBU, Philippines - Dul-an na sa 800 ka running enthusiasts ang nakaparehistro sa 6th Mayor's Cup Run karong Domingo didto sa Mandaue City Cultural and Sports grounds.
Nagpanikad na karon ang mga runners sa maong lumba human kini giuswag.
Ang lumba nga gipasiugdahan sa Mandaue City Sports Commission (MCSC) ug sa Mandaue Runners Club (MRC) gitakda unta niadtong Mayo 5, apan gisibog kini sa mga organizers tungod sa mga kakulian.
Mga kategoriya nga mahimong daganan mao ang 15K Open, 7K open, 7K Inter-barangay (alang lamang sa mga residente sa Mandaue), 3K adults ug 3K kids.
Gawas sa mga tropeyo, ang top three finishers sa matag kategoriya makadawat og ganting salapi matag usa.
Ang fifth hangtod sa 10th placers makaangkon og P500 matag usa.
Ang registration fee nagkantidad og P350 alang sa 15K, P300 sa 7K open ug 7K inter-barangay ug 3K
adults, samtang P250 sa 3K kids run.
Kutob na lang karong adlawa pagpanawat og rehistrasyon. Mahimong magparehistro sa Mandaue City Sports
Complex, Cebu City Sports Center, Mandaue City Hall ug sa Runnr sa Ayala Center-Cebu.
Alang sa dugang mga pakisayod kabahin sa maong lumba, kontaka lang si Stephen Jumao-as (3438056),
Daniel Quiño (09484022116), Heide Flores (09237360782) o di ba Soria Pacaña (09294458229).
Ang 6th Mayor's Cup Run gipaluyohan sab sa Runway, Bardahl, Runnr ug ARA Forwarders.
Ang mga opisyales sa MRC naglakip ni Daniel Quiño (president), Heide Flores (vice president), Doris Nodalo (secretary) ug Evangeline Balanzuela (treasurer).
Si Democrito 'Emok' Branzuela maoy ilang chairman. (BANAT PALARO)