CEBU, Philippines - Giusban sa San Marino Tuna/CIT-U Wildcats pagpilde ang Cebu Landmasters/USC Warriors pinaagi sa paglubong, 94-79 aron maangkon ang ikatulong pwesto atol sa quarterfinals sa Enervon CESAFI Partner’s Cup 2013 basketball tournament kagabii didto sa Cebu Coliseum.
Ang San Marino maoy makigsangka batok sa No. 6 Raphael’s Café/USJ-R, samtang ang fourth-seeded
Cebu Landmasters maoy makigbatok sa fifth seed Lion Tiger/USPF Panthers.
Ang San Marino ug Cebu Landmasters pulos adunay "twice-to-beat" advantage atol sa quarterfinals nga
sugdan ugma.
Gipahimuslan sa San Marino ang higayon nga moarangkada tungod kay kulang og duha ka players ang Cebu
Landmasters ug gani napugos sila'g duwa bisan og upat lang ka players sulod sa korte sa second ug third periods.
Wala makaduwa alang sa Cebu Landmasters ang ilang sentro nga si Garrick Ayala ug shooting guard nga si Dominick Adlawan.
Gibuksan ni Franklyn Batiquin ang fourth period og laing three-pointer aron molabaw og 20 puntos ang San Marino, 76-56. Gitapos sab niya ang third period pinaagi sa usa ka triple, 73-56. Napun-an pa kini og laing tres ni Vincent Menguito aron moposte’g 83-78 nga labaw ang San Marino sa nahabiling otso minutos sa duwa.
Duha ka sagunson nga interception ni Floyd Taboada maoy nagpainat sa labaw sa San Marino, kinsa
nakapanemaho na og kadaugan.
Si Menguito maoy topscorer sa San Marino pinaagi sa iyang 20 puntos, gisundan ni Taboada nga adunay 16
puntos.
Silang Charles Pepito ug ang Cameroonian recruit nga si Ahmed Salihou maoy nangu sa Cebu Landmasters nga nagkumboya og 31 puntos.
PUNTOS MATAG USA
San Marino Tuna (94) - Menguito 20, Taboada 16, Graf 9, Batiquin 6, Brigoli 6, Bucao 5, Dela Cerna 5,
Ebona 4, Taghoy 4, Dimco 4, Limalima 3, Infante 3, Booc 2, Tablain 2, Pono 2
Cebu Landmasters (79) - Pepito 16, Salihou 15, Ypil 12, Laude 10, Oretga 9, Dran 6, Que 5, Magat 4,
Rabat 3, Guardiario 2, Romaguera 2, Seni 2, Bensig 2 (BANAT PALARO)