CEBU, Philippines - Nagmangtas ang Gaisano Capital South/UC Webmasters sa final period aron miiskor og come-from-behind nga kadaugan batok sa San Marino Tuna/CIT-U Wildcats, 81-75 sa Enervon CESAFI Partner's Cup 2013 basketball tournament kagahapon didto sa Cebu Coliseum.
Kanunay naggukod ang Gaisano Capital South sa unang tulo ka kuwarter, apan pabilin ang ilang pagsalig sa pagdaog uban sa ilang Cameroonian recruit nga si Arnud Noah. Si Noah usa sa nakatabang sa Gaisano Capital South pagbangon, 53-55 human malubong og 13 puntos atol sa first half.
Ang San Marino naglabaw og kuwatro puntos, 72-68 sa nahabiling 2:35 sa duwa, apan Gaisano misukli og tulo ka triples nga nakapausab sa dagan sa duwa dihang ilang nailog ang labaw, 77-72 sa katapusang 27.6 segundos.
Si Jan Michael Auditor maoy unang mitusak og tres nga nakapasikit sa iskor, 71-72, nausban ni Noah alang sa ilang 74-72 nga labaw ug dayon si Kido Cabrera, 77-72 nga naghatag og kasiguroan sa ilang kadaugan.
Bugtong si Noah lang ang miiskor og double figures alang sa Gaisano Capital, samtang sila si Cabrera ug
Auditor mitikdol og nuybe ug otso puntos matag usa.
Upat ka players sa San Marino ang mihimo'g double figures sa pagpangulo ni Vincent Menguito sa iyang 13 puntos. (BANAT PALARO)