CEBU, Philippines - Nakompleto na ang semifinal cast sa 1st Lou Ornopia Basketball Tournament human midaog ang San Miguel batok sa Bagtik, 74-67 sa miaging adlaw didto sa Calambua open court sa San Remigio, Cebu.
Ang San Miguel, Bagtik ug Ilihan mitapos sa qualifying stage nga adunay managsamang 1-2 win-loss records, apan ang San Miguel maoy nakakuha sa No. 2 pinaagi sa mas taas nga tie-break output. Ang Bagtik ug Ilihan miangkon sa ikatulo ug ikaupat nga dapit.
Ang team Olkaz-Calambua maoy No. 1 human sa ilang three-game sweep sa elimination nga mihatag kanila og twice-to-beat advantage sa ilang pakigsangka sa Ilhan sa semis nga sugdan karong Sabado.
Ang usa ka buwan nga torneyo usa sa mga highlights sa tinuig nga kapistahan sa ilang mahal nga patron San Vicente Ferrer sa Abril 13.
Ang kampiyon mobulsa og P10,000, samtang ang ikaduha hangtod sa ikaupat nga makadawat og P7,000, P5,000 ug P3,000.
PUNTOS MATAG USA
San Miguel (74) - Ruelo 18, Pantalleon 17, Zibo 14, Dabalos 7, Calvo 7, Dumanaoco 5, Soriano 4,
Argawanon 2 Bagtik (67) - Cesa 22, Pepito 16, Migabon 13, Metoda 10, Canque 4, Tipdas 2 (BANAT PALARO)