CEBU, Philippines - Gikompleto sa team Olkaz ang usa ka three-game sweep sa elimination round human nila gilubong ang San Miguel, 102-89 sa Lou Ornopia Basketball Tournament didto sa Barangay Calambua open court sa San Remigio, Cebu.
Ang kanhi player sa University of the Visayas (UV) Baby Lancers nga si Jei Dablo mipugnit og 39 puntos aron pangulohan ang Olkaz.
Mirehistro usab og 36 puntos si Kevin Barro, samtang si Barbie Velasco miamot og 13 puntos alang sa Olkaz nga nakaangkon og "twice-to-beat" advantage sa semifinal round.
Sikit ang duwa sud sa tulo ka kuwarter, apan kalit nga mipabuto og 32-20 rally ang Olkaz sa final period nga maoy mipahagsa sa San Miguel.
Sa laing duwa, ang Ilihan mitapos usab sa elimination uban ang sikit kaayong daog batok sa Bagtic sa iskor nga 79-78.
Ang usa ka buwan nga torneyo usa lamang sa mga kalihukan sa tinuig nga kapistahan sa mahal nga patron sa Brgy. Calambua -- San Vicente Ferrer sa Abril 13.
Ang kampiyon mobulsa og P10,000, samtang ang second hangtod sa fourth placers makadawat og P7,000,P5,000 ug P3,000 matag usa.
PUNTOS MATAG USA
Unang duwa:
Olkaz (102) - Dablo 39, Barro 36, Velasco 13, Ducay 8, Abao 2, KL Ornopia 2, Jubay 2, Coligado 2
San Miguel (89) - Argawanon 43, Pantaleon 26, Cumayas 11, Molina 5, Cuer 4
Ikaduhang duwa:
Ilihan (79) - Gualin 20, Monrerola 15, Neis 8, Hortelano 7, Codiñera 6, Ducante 4, K. Ornopia 4, Ruba 3, Prescillas 3,
N. Ornopia 2
Bagtic (78) - T. Migabon 23, R. Pepito 20, C. Cesa 14, J. Pepito 9, Methoda 6, Aton 4, Canque 2