CEBU, Philippines - Nag-una gihapon si San Mig Coffee Mixers superstar James Yap sa botasyon nga moduwa alang sa 2013
PBA All-Star Game sa Mayo 5 didto sa Davao del Sur.
Kini bisan pa sa mga kontrobersiya nga iyang nasinati karong panahona.
Sa labing uwahing online votation sa PBA.com, si Yap maoy nag-una sa botos sa pointguard/shooting guard
position sa iyang 22,241 votes.
Ang kanhi two-time MVP nga si Yap daku kaayo'g labaw sa nagsunod kaniya nga si Barangay Ginebra San
Miguel ace player Mark Caguioa nga adunay 16,097 votes. Si Cyrus Baguio sa Alaska Aces mitungtong sa ikatulo nga
adunay 12,874 botos, samtang ang teammate ni Yap nga si PJ Simon maoy mikapyot sa ikaupat nga dapit sa iyang 10,053
botos.
Nag-una sab ang lig-ong kandidato alang sa "Rookie of the Year" nga si Calvin Abueva sa Alaska alang sa
forward/center position human makatigom og 20,227 votes. Gisundan ni Petron Blaze Boosters cager Arwind Santos
(18,557), Jay Washington (15,871) ug San Mig Coffee center Joe Devance (14,648).
Ang komposisyon sa PBA All-Star Selection ni coach Luigi Trillo maoy moduwa batok sa Smart Gilas
Pilipinas ni national team coach Chot Reyes nga maoy highlight sa 2013 PBA All-Star.
Sa laing bahin, ang Barako Bull Energy Boosters makigharong sa Barangay San Miguel sa pagpadayon sa
Commissioner's Cup sa alas-4 sa hapon.
Magsangka sa main game mao ang Talk N’ Text Tropang Texters ug Rain or Shine Elasto Painters sa alas-
6:30 sa gabii. (BANAT NEWS)