Alang niadtong wala masayud, gibanhaw kagahapon sa udto ang 22 anyos nga basketball career sa usa sa labing maayong player sa Pilipinas nga si Ramon "El Presidente" Fernandez, usa ka living legend nga sakop sa 25 Greatest PBA Players.
Didto kini isalida sa TV 11 sa senemanang Sports Pilipinas program ni sports analyst Chino Trinidad, ang kanhi commissioner sa Philippine Basketball League (PBL).
Walay wala mobilib ni Mon sa iyang panahon. Usa ka nipis ug lawas nga sentro si Mon apan ang iyang mga lihok sulod sa korte maoy lisod pugngan og matod pa ni Chino nga "the definition of greatness is Ramon Fernandez."
Si Mon kinsa lumad sa Maasain City sa Leyte, maoy bugtong player nga midaog ug upat ka MVP awards sa PBA gikan sa nagkalain-laing teams. Si Alvin Patrimonio mihakot sab og upat ka MVP awards apan gikan lang sa usa ka team nga mao ang Purefoods Hotdogs diin si Mon maoy kanhi playing coach.
Siya maoy MVP niadtong 1982 sa nagduwa pa siya sa Toyota Comets, 1984 MVP uban sa Beer Hausen Team, 1986 MVP sa Tanduay Rhum ug 1988 MVP sa San Miguel Beermen, ang kataposang team nga iyang giduwa-an diin didto na sab siya moretiro sa tuig niadtong 1994.
Matod pa sa laing sports analyst nga si Sev Sarmenta nga talagsaon ang abilidad ni Mon. "Bihira lang ako nakakita ng player na magaling, mautak at very sharp." Sa iyang bahin, nagkanayon sab si Mon samtang nakighinabi kang Chino "it's hard to reach on top. It's harder to stay on top for a long time."
Si Mon kinsa nagtungha kaniadto sa University of San Carlos ug maoy usa sa labing dominanteng sentro sa nabungkag nang CAAA, nahimong sakop sa RP Youth Team nga miduwa Asian Basketball Confederation (ABC) didto sa Tokyo, Japan.
Pagka sunod tuig, nakaduwa na sab sa Philippine Team si Mon ug ilang giisa ang bandera sa Pilipipnas dihang ilang gipukan ang south Korea ubos sa liderato ni Shin Dong Pa sa finals aron mahimong kampyon sa 1973 ABC didto sa Manila.
Misulod siya sa PBA niadtong 1975, ang tuig nga nagsugod ang bugtong professional nga lega sa Asia. Iyang gihatagan og dungog ang mga Bisaya ilabi na sa Maasin ug Cebu tungod sa iyang abilidad sa basketball.
Siya maoy All-time scoring leader sa PBA sa iyang 18, 996 puntos, siya maoy labing taas og playing time nga mokabat sa 36,624:30 ka minutos, siya maoy leader sa defensive rebounds sa iyang 6, 435 ug record holder sa All-time most number of rebounds sa iyang 8,652, All-time leader sa steals sa iyang 1,302 ug All-time leader sa shotblocks sa iyang 1,853.
Apan og aduna may usa ka linalang nga labing malipayon karon ug mapasigarbohon kaayo sa nakab-ot nga kalamposan ni Mon nga kanunay naa sa iyang kiliran, mao ang iyang utokan ug maanyag nga kapikas nga si Karla Kintanar-Fernandez, ang station manager sa TV 5 ug Radyo Singko.
SAC AWARDS. Atong pahalipayan dinhi ang tanang mga nakadawat og citations ug mga major awards nga atleta atol sa ika-31 nga Sportswriters Association of Cebu (SAC) SMC annual sports awards kagahapon didto sa Northwing sa SM City.
Ning pagsuwat kagahapon, wala pa ibutyag sa media ni SAC president John Pages kung kinsa maoy napiling Athlete of the Year aron adunay gamay nga surpresa sa katawhan.
Congrats to Presidential awardee Pericles Dakay, Sportsman of the Year Cebu Football Association (CFA) ug Orlacsan awardee Sally Mae Siso.
Wala ako makatambong tungod kay kining alagad sa Sportsgab mao may sports desk sa Banat News matag Domingo. Sorry kaayo sa akong mga kauban sa buhat ug nakahibalo ako nga mosabot ra kamo kanako.
MISCELLANEOUS. It's undeniably summer time – we're under the very scorching heat of the sun. It's time to chill out and if you have plans to quench your thirst and at the same time taste the very special halo-halo, don't waste time to drop by at Araw-araw's Halo-halo in Poblacion Pardo. Truly it's one of the best desserts you'll always want these days. You get your money's worth. The ice melts in your tongue not in your throat and the ingredients are so tasty too nothing is wasted. Thanks for the sample Engr. Ariel and Dra. Grace.