CEBU, Philippines - Dul-an sa 200 ka mga triathletes ang mosalmot sa 2nd Talisay Triathlon Race nga mosikad karong adlawa
didto sa Talisay Fish Port sa may Cebu Coastal Road.
Mosalmot usab ang triathletes gikan sa Dipolog City, Davao City, Maasin City ug Leyte.
Ang lumba gibahin sa kiddies division, adult ug relay division. Ang kiddies division gibuak sa age bracket -- ang
10-under, 11-12 ug 13-15 years old class, samtang ang adults competition gilangkuban sa 19-under, 20-29, 30-39, 40-49
ug 50-above category.
Mga dekalibreng triathlete nga mikompirmar sa ilang partisipasyon naglakip nilang Rochelle Tan, Krisiane Lim
ug kanhi national triathlete Gerrie Calinawan.
Mga ganting salapi ug freebies gikan sa sponsors ang madawat sa mga mananaog sa matag kategoriya. Ang
tanang finishers makadawat og specially designed medal. (BANAT NEWS)