CEBU, Philippines - Tulo ka siyudad ang makapahimulos sa Online Basketball Training Camp nga gisuportahan sa Omega Pro ug Casino Active karong summer sa managlahing binyu.
Ang tinuig nga training campmobalik ngadto sa Minglanilla Sports Complex sa Abril 2 sugod sa ala-1 sa hapon.
Ipahigayon kini pinaagi sa suporta ni Minglanilla Mayor Eduardo Selma ubos sa mga paningkamot ni councilor Concordio 'Cording' Mejias.
Ang Training Specialists, ubos sa maabtikon ug kugihang mentor nga si kanhi PBA player Mark Tallo miingon nga ang summer camp nagkalapad dinhi sa Sugbu. Mosikad kini sa Abril 1 diha sa Cebu Eastern College (CEC) gym alang sa Cebu City phase ug sa Pajo Sports Complex alang sa taga-Lapu-Lapu City ning usa ka bulan nga kalihukan.
Ang fundamentals sa pag-dribol usa sa itudlo sa mga trainers ngadto sa mga partisipante nga anaa pa sa first level.
Alang sa dugang mga pangutana kabahin sa training camp, mahimong mokontak sa mga numero 0915-4294695 ug 0923-8926178. (BANAT PALARO)