CEBU, Philippines - Malisud nga tahas ang atubangon sa No. 5 seed Simple Likes Barbecue Haus karong gabii tungod kay
makigtakos kini sa topseed MBD Law Firm sa semifinals sa F. Llamas Youth Association (FYA) 6th season didto sa
Barangay Tisa Gym, ning siyudad.
Ang Simple Likes miabante sa semis human sila makaipsot batok sa Hayleb sa iskor nga 99-97, samtang
nakasud sab ang Pastrano's Special Chicharon dihang ilang gilubong ang Pimentel Customs Brokers, 83-66.
Ang No. 3 nga Pastrano’s maoy makigsangka sa No. 2 nga GCM sa semifinals.
Si Wako Dacayana maoy nangu sa Pastrano’s sa iyang 21 puntos ug si Ariel Mayol midugang og 17 puntos,
samtang si Ranel Patalita maoy nangu sa natagak na nga Pimentel Brokers sa iyang 20 puntos.
Sa laing bahin, si Ryan Villaver mibahog og 24 puntos, si Lito Mirasol miamot og 19 puntos ug si Mclean
Alkuino mitampo og 18 puntos alang sa Simple Likes.
Ang natagak nga Hayleb gipangulohan ni Burnong Endrina pinaagi sa iyang 27 puntos, gisundan ni Clark del
Mar nga adunay 21 puntos. Ang ilang shooter nga si Noel Medalle igo lang miiskor og 11 puntos.
Puntos Matag Usa
Unang duwa:
Pastrano’s (83) - Dacayana 21, Mayol 17, Lavandero 14, Abellana 11, Sydiongco 10, Abella 4, Conde 4,
Pacubas 3
Pimentel (66) - Patalita 20, Caballero 14, Sabalande 11, Sombihon 6, Avila 5, Sarsaba 4, Jabonero 3,
Cajocson 2, Dumaguit 2
Ikaduhang duwa:
Simple Likes (99) - Villaver 24, Mirasol 19, Alkuino 18, Medalle 11, Garcia 8, Cueme 8, Abella 4, Zapanta 2
Hayleb (97) - Endrina 27, Del Mar 21, Rollon 13, Dudalo 10, Aglipa 7, Pasarello 7, Canceko 6, Baricuatro 4 (BANAT NEWS)