CEBU, Philippines - Gikatakdang mag-abot ang mga banggiitang Cebuano cyclists alang sa 8th Camotes Island Cross-country Mountainbike Challenge sa Marso 9 didto sa San Francisco, Camotes island.
Ang lumba gibahin sa pito ka kategoriya -- junior-senior class, beginners, masters, veterans, golden boys ug Camotes bikers.
Ganting salapi ug mga medalya ang giandam alang sa mga mananaog sa matag kategoriya.
Ang usa ka adlaw nga lumba gipasiugdahan sa Camotes Off-Bikers Association, samtang ang technical committee gidumala sa Sports and Fitness Enthusiasts (SAFE) ubos ni Joel Baring.
Niadtong interesadong mosalmot ang registration fee nagkantidad lang og P50. Alang sa dugang mga pangutana mahimong motawag sa numero 0948-9807145 o 0948-1337577. (BANAT SPORTS)