CEBU, Philippines - Tulo ka bulawan ang nahagdaw sa Team Cebu sa National Carlos Palanca Jr. Taekwondo Championships dili pa dugay didto sa kaulohan.
Gawas sa bulawan, ang Team Cebu mihakot sab og upat ka silver ug unom ka bronze medals sa maong lahugay.
Si Mikaela Calamba nga maoy nihatag og bugtong bulawan sa Cebu sa miaging tuig, wala na paapila sa kompetisyon. Hinuon, gihatagan siya'g panahon sa pagpasundayag sa iyang victorious performance atol sa 2012 World Taekwondo Poomsae Championships didto sa Colombia.
Mihakot og bulawan alang sa Team Cebu mao ang beteranong playing-coach Glenn Lava ubos sa senior 2 poomsae, Rinna Ghurl sa junior female poomsae ug ang cadet team nilang Nichole Maurin, Aidaine Krishia Laxa ug Clement Tan.
Si Ghurl misakmit sab og silver sa poomsae pair uban ni Mac-Mac Alob.
Lain pang mikubkob og silver alang sa Team Cebu mao sila si Maurin (cadet), Nica Garces (kyorugi cadet) ug sila si Miguel Calamba, Moses Bullecer ug Marvin Joseph Agor (seniors men).
Sila si EJ Garces (kyorugi-junior men), Melody Jane Infante, Clement Tan ug Aila Lepon (kyorugi cadet),
Mac-Mac Alob (junior poomsae) ug Moses Bullecer (men's senior poomsae) maoy mitunol og bronze sa Team Cebu. (BANAT SPORTS)