CEBU, Philippines - Miugkat na sab og daog ang Solid Stone ni team owner Roy Genolos dihang ilang gilumsan ang VKK Divers,
79-66 sa Lapu-Lapu Sports Club (LLSC) Fiesta Conference niadtong Pebrero 1 didto sa Barangay Agus gym, Lapu-
Lapu City.
Kontrolado sa Solid Stone ang kinatibuk-ang duwa ug nakahigayon kini pagposte sa ilang kinadak-ang labaw,
44-28 sa halftime.
Apan nahulga ang Solid Stone sa third period human ang VKK Divers ni team owner Victor Malingin milusad
og 21-13 aron panitan ang labaw ngadto na lang sa otso puntos, 57-49 paghuman sa maong kuwarter.
Dali hinuon nga nakarekober ang Solid Stone pinaagi sa pagpatuman sa ilang solidong depensa uban sa
mainitong opensa aron inaton pagbalik ang labaw ug wala na kini molingi pa sukad niadto.
Sa gihapon, sila si Noel Encallado ug Nilo Bentain maoy mga bida sa kadaugan nga mikadlit og 17 ug 15
puntos matag usa. Ang kanhi SWU cager nga si George Dayak mitikdol og 12 puntos alang sa Solid Stone nga nagbitbit
og 2-0 nga baraha.
Ang VKK Divers nga wala pa makatilaw og daog sud sa duha ka duwa gipangulohan ni Silawan, kinsa
mikabkab og 17 puntos, gisundan nilang Bulldog Ybañez ug Talyo Senerpida nga adunay 13 puntos matag usa.
Ang LLSC Fiesta Cup gisuportahan usab ni Lapu-Lapu City Councilor Harry Radaza, Rolly dela Pieza, Allan
Yu, Alan Sepe, JB Sportswear ni Billy Nadado nilang Diego Tampus, Jimboy Igot ug Junjun Oyao.
PUNTOS MATAG USA
SOLID STONE (79) - Encallado 17, Bentain 15, Dayak 12, Genelos 10, Gimena 6, Bascon 6, Basea 4,
Cañete 4, Celiz 3, Kiskisan 2
VKK DIVERS (66) - Silawan 17, Ybañez 13, Senerpida 13, Dignos 9, Lamoste 7, Dela Peña 2, Malingin 2,
Augosto 2, Giganto 1 (BANAT NEWS)