CEBU, Philippines - Gipalagpot sa second-seed nga si Maria Sharapova si Venus Williams sa Australian Open niadtong Biyernes pinaagi sa pagdaug sulod sa iskor, 6-1,6-3 sa third round nga milanat lang og 79 minutos didto sa Rod Laver Arena.
Ang sunod ikasangka ni Sharapova mao si Kirsten Flipkens nga taga Belgium kinsa mipukan sa Russian qualifier nga si Valeria Savinykh.
Haum ug maanindot kaayo ang kundisyon karon ni Sharapova didto sa Melbourne diin nahimo siyang ikaduhang tennis player nga nakahimo'g duha ka 'double bagel' 6-0, 6-0 sa Grand Slam gikan sa 1985.
Pakyas siyang mohimo'g tulo ka sagunson apan posible kini mahitabo karon tungod kay midaug na siya'g 36 ka higayon sulod sa 40 ka duwa.
Si Williams nahimutang lang isip no. 25 seed apan ang seven-time Grand Slam winner nag-anam na sab og saka balik sa ibabaw sa rankings human makasinati og mga piang ug nagkadaiyang sakit.
Wala na modaug si Williams ug Grand Slam sukad niadtong 2008 sa Wimbledon. (FREEMAN)