CEBU, Philippines - Giharos sa IBP-Gwapo nga gipangulohan ni Fiscal Bads Del Prado ang ilang "best-of-three" title showdown aron maghari sa Philippine Institute of Certified Public Accountants (PICPA) 2012 Christmas basketball tournament niadtong Miyerkules didto sa Capitol Parish gym sa Escario st., ning siyudad.
Ang IBP-Gwapo mipukan na sab sa karibal niining UC-PICPA sa Game-2 sa iskor nga 93-91.
Silang Barry Busi ug Del Prado maoy midala sa opensa sa IBP-Gwapo, kinsa miposte og 24-20 nga bentaha sa first period.
Nakatampo sab ang ilang sentro nga si Rowell Juban ug ingon man si Giovani Sususco.
Hinuon, nakatabla ang UC-PICPA, 89-all human sa jumpshot ni Alvin Sabala sa nahabiling 59 segundos sa duwa.
Kalima magtabla ang duwa, ang katapusan sa iskor nga 91-all sa nahabiling 12 minutos human sa basket ni Gino Cabuguas sa UC-PICPA.
Si Rowell Juban maoy nahimong bayani sa IBP dihang napasulod niya ang iyang free throws human makakubit og foul gikan kang Arjam Bonsucan.
Sila si Busi ug Del Prado miiskor og 17 puntos matag usa aron maoy mangu sa opensa sa IBP, samtang si Juban midugang og 14 puntos.
Ang UC-PICPA gipangulohan ni Edward Bauzon, kinsa miposa og 16 puntos, gisundan nilang Sabala ug Cabuguas nga parehong miamot og 15 puntos.
PUNTOS MATAG USA
IBP (93) - Busi 17, Del Prado 17, Juban 14, Sususco 9, Riveral 8, Villamor 8, Baguio 8, Narido 4, Liston 4,
Lagahit 4
UC-PICPA (91) - Bauzon 16, Cabuguas 15, Sabala 15, A. Bonsucan 13, J. Bonsucan 12, Tizon 8, Cuadra 4,
Seno 4, Galo 2, Balucan 2(BANAT SPORTS)