CEBU, Philippines - Nag-una karon sa team standing ang Summerville Subdivision human sa ilang sunod-sunod nga daog sa J Centre Inter-village hoops nga giuloha'g "Lord of the Rings-Battle of the Villages" niadtong Lunes sa gabii didto sa J Centre basketball court nga nahimutang sa ikatulong andana sa maong mall.
Ang Summerville sa lungsod sa Cordova sa Ramirez Village sa Ibabao, Mandaue City sa iskor nga 77-61 sa ikaduhang adlaw sa kompetisyon.
Gipangulohan ni Lyndon Colina ang kadaugan pinaagi sa iyang 13 puntos, diin siyam niini nahimo sa second half nga igo na kaayo alang kaniya aron ilhon isip Jonie's Flavored Chicken player of the game.
Si Colina nakigkumboya uban ni acting coach Brian Gabasa ug Keith Virtucio aron moposte og 38-26 nga bentaha sa halftime.
Sila si Gabasa ug Virtucio miposa og siyete puntos matag usa sa second quarter aron hatagan ang Summerville og 12 puntos nga labaw ug nainat pa kini ngadto sa 16 puntos aron maangkon ang ilang ikaduhang daog human sa ilang kadaugan batok sa Villa Leyson sa opening day.
Ang managsuong Armenion mao lang ang miiskor og double figures alang sa Ramirez Village nga gipangulohan ni team captain Ariel Ramirez kinsa mipabuto og 22 puntos. Ang iyang mga igsuon nga si Adian ug Andrey nagkumboya og 22 puntos.
Sa laing duwa, ang Garden Bloom mibuntog sa Briza Boys sa iskor nga 69-63.
Gipangulohan ni Joseph Marvin Cipres ang kadaugan pinaagi sa iyang 17 puntos, gisundan ni Elardo Jordan nga adunay 15 puntos.
Si Roy Taburada mao usab ang nangulo sa Briza nga mipupo og 16 puntos, samtang si Charles Ian Saldua miani og 13 puntos.
PUNTOS MATAG USA
Unang duwa:
Summerville (77) - Colina 13, Abadia 11, Loreto 11, Gabasa 10, Bolivar 9, Virtucio 9, Cleopas 6, Ares 4, Camorso 4 Ramirez Village (61) - Ariel Armenion, 22, Adian Armenion 12, Andrey Armenion 10, Kirong 7, Aspacio 5, Camacho 5
ikaduhang duwa:
Garden Bloom (69) - Cipres 17, Elardo Jordan 15, Andrade 10, Adlawan 9, Bustaliño 5, Yiu 4, Omolon 3, Badooc 2, Elardo Jay 2, Fernandez 2
Briza (63) - Taburada 16, Saldua 13, Abella 8, Borces 6, Guieb 6, Bucog 4, Montero 3, Cadampog 2, Fuentes 2 (BANAT SPORTS)