CEBU, Philippines - Nakaginhawa pa ang Mega L.A. human makabawos ngadto sa Rollway Customs Brokerage pinaagi sa pag-iskor og 81-74 nga kadaugan sa Game-2 sa ilang "best-of-three" sa bracket B sa Lapu-Lapu Sports Club (LLSC) basketball tournament 2012 niadtong Miyerkules sa gabii didto sa Bayswater sa Brgy. Agus, Lapu-Lapu City.
Nagtabla karon sa series ang Mega L.A. ni Leo Almacin ug Rollway ni Rolly dela Pieza nga pulos nagbitbit og 1-1 nga baraha.
Gipangulohan ang kadaugan ni Rene Cuadra, kinsa mihabwa og 20 puntos, gisundan ni Sagarino nga miligwat og 17 puntos ug Pompy Ngujo sa iyang 16 puntos.
Ang nasugamak nga Rollway, gipangulohan ni Jimboy Enriquez, kinsa mihakot og 19 puntos.
Laing tulo niya ka teammates ang mirehistro sab og double figures. Si Brañanola Centes mitimang og 12 puntos, gisundan ni Rolly dela Pieza nga mitikdol og 11 puntos ug Richard Lobingco nga mihirit og 10 puntos.
PUNTOS MATAG USA
MEGA L.A. (81) - Cuadra 20, Sagarino 17, Ngujo 16, Gutib 8, Aparta 7, Balberona 3, Ruiz 2, Amodia 2, Asuncion 1
ROLLWAY (74) - Enriquez 19, Centes 12, Dela Pieza 11, Lobingco 10, Pleños 8, Alilin 6, Dela Peña 6, Palad 4, Diongson 2 (BANAT SPORTS)