CEBU, Philippines - Miiskor og 73-61 nga kadaugan ang Jinjec Commercial aron mabulingan ang rekord sa UTASSCO sa nagpadayong aksiyon sa Power Forty Christmas League basketball tournament didto sa Inayawan Sports Complex.
Tungod sa maong kadaugan, ang Jinjec mikatkat sa ikaduhang puwesto uban sa ilang 4-2 nga baraha sunod sa ilang biktima nga UTASSCO nga adunay 4-1 nga baraha.
Bugtong si Joel Cañete lang ang miiskor og double figures alang sa Jinjec pinaagi sa iyang 26 puntos.
Ang pilderong UTASSCO gipangulohan sa ilang team owner nga si Atty. Flor Yosores ug Wilbur Cabrera nga mitira og 13 puntos matag usa.
Sa sayo pa, gilumsan sa Water Market ang Ang Tibay Mo sa iskor nga 59-38, samtang ang Park ‘N Go Bakeshop mipakaging sa Alfa Electrical Supply sa iskor nga 76-60.
PUNTOS MATAG USA
Unang duwa:
Water Market (59) - Lim 16, Ozon 12, Arias 10, Mosqueda 8, Nacional 8, Eleguin 3, Dacalos 2
Ang Tibay Mo (38) - Mabalcon 10, Sumargo 10, Cabaluna 6, Chiong 6, Dejarme 4, Dejacto 2
Ikaduhang duwa:
Jinjec (73) - J. Cañete 26, Tantay 9, Cañete 8, Atillo 8, Labajo 7, Moniva 6, Cabatas 6, Navares 3
UTASSCO (61) - F. Yosores 13, Cabrera 13, Ebrado 12, Mercado 8, Abarquez 7, Echavez 4, Abasolo 2, Yosores 2
Ikatulong duwa:
Park ‘N Go (76) - Abatayo 20, Tabar 19, Misa 14, Lisondra 10, J. Rama 5, R. Rama 4, Fuentes 2, Espinosa 2, G. Rama 2
Alfa (60) - Navares 17, Flordeliza 16, Jaca 15, Kalinga 7, Abellana 3, Sandal 2 (BANAT SPORTS)