CEBU, Philippines - Temporaryong nagsolo sa liderato ang University of Cebu (UC) Heat human midaog batok sa RP Mora-Lycans, 74-68 sa Philippine Institute of Certified Public Accountants (PICPA) 2012 basketball tournament niadtong Miyerkules didto sa Capitol Parish gym, ning dakbayan.
Ang kadaugan naghatag sa UC Heat ni skipper Arjam Bonsucan og 5-1 nga baraha.
Ang tandem nilang Prince Tizon ug power forward Jecon Bonsucan maoy nangu pag-ataki sa ilang kontra sa third period aron hatagan ang UC og 57-53 pagsugod sa fourth quarter.
Sa sayo pa, ang IBP-Gwapo ni Bads Del Prado mipukan sa IBP-B, 69-62 aron mopahiluna sa ikaduhang puwesto bitbit ang 5-2 nga baraha.
Sila si Ferdie Riveral ug Bads Del Prado parehong mibugha og 12 puntos alang sa IBP-Gwapo, samtang sila si Ruel Juban ug Milky Villamor miamot og 10 puntos matag usa.
Ang sentro nga si Kirby Raboy maoy nangu sa IBP-B sa iyang 18 puntos, gisundan ni Niño Busi, kinsa miamot og 15 puntos ug Mat Velez nga adunay 14 puntos.
PUNTOS MATAG USA
IBP-GWAPO (69) - Riveral 12, Del Prado 12, Juban 10, Villamor 10, Lagahit 7, Calipayan 4, Narido 4, Liston 4, Baguio 3, Sususco 2, B. Busi 1
IBP-B (62) - Raboy 18, N. Busi 15, Velez 14, Sarno 9, Geotina 4, Macion 2
Ikaduhang duwa:
UC HEAT (74) - J. Bonsucan 15, A. Bonsucan 13, Tizon 11, Sabala 10, Cabuguas 9, Galo 7, Seno 4, Cuadra 4, Balucan 1
LYCANS (68) - Bandala 17, Cadampog 12, Lofranco 11, Padios 10, Trocio 7, Ompad 6, Huyo-a 3, Destriza 2 (BANAT SPORTS)