CEBU, Philippines - Daghan ang sultada nga masaksihan sa 3-cock derby nga ipahigayon sa Medellin Cockpit karong Sabado,Nobiyembre 10, 2012.
Gibanabana nga moabot sa mga 40 ka entry ang mosalmot sa maong derby. Kadaghanan sa mangapil magagikan sa silingang mga kalungsuran sama sa Daan Bantayan, Bogo, Tabogon, San Remegio, Tabuelan, Tuburan, Asturias, ug gikan usab sa isla sa Bantayan.
Ang nagpasiugda sa 3-cock derby sa Medellin nga sila si Rene Olivar, Nising Melendres, ug Elliot Boy Lepiten masaligon nga daghan ang entrante niining maong derby subay sa pagsuna sa mga gipang-imbitar nga gihimo kagahapong adlawa.
Sugdan og sayo sa hapon ang mga sultada aron sayo usab nilang mahuman nga dili makadlawnan.
Alang sa dugang detalye, tawag o text lang sa cellphone number 0917-321-5142 (BANAT)