Nigawas ang balita nga naghimo karon og imbestigasyon ang National Bureau of Investigation bahin sa gikataho nga iregularidad o anomalya sa paggamit sap undo pagtukod sa sports complex nga gipahigayonan sa South East Asian Games niadtong tuig 2019.
Si NBI Director Melvin Matibag niingon nga atol sa pagbisita niya sa 70-hectare NBI Academy sa New Clark City, naagian nila ang maong sports complex ug naa silay nadawat nga impormasyon nga ang P10 billion nga pundo ang gigamit pagtukod ani pero wala matarong og liquidation.
Basi sa nadawat nilang report, usa ka Malaysian company ang nagtukod ani , pero wala moagi og bidding ug P10 billion ang diretsong gibayad sa gobiyerno pinaagi sa congressional insertion sa General Appropriations Act (GAA).
Atol sa pagpadayun sa impeachment hearing ni VP Sara Duterte kagahapong adlawa namahayag silang Senador Alan Peter Cayetano, Senadora Pia Cayetano ug si Senador Robin Padilla batok niining maong imbestigasyon.
Gipasumbingay nila nga daw gipuntariya gyud silang mga naa sa oposisyon nga mga Senator –judges sa impeachment trial. Ingon pa sa uban, ‘weather-weather’ lang na,
Pero dili dapat kalimtan nga gusto sa kadaghanan sa mga Pilipino nga papanubagon ang tanang nalambigit sa kurapsyon bisan kinsa pa.
Una nang nangapriso silang Sen. Rodante Marcoleta ug si Senador Jinggoy Estrada tungod sa kasong plunder ug graft. Si Sen. Alan Peter Cayetano mao ang chairman sa organizing team atol sa 2019 SEA Games.
Pero kung mahinumdoman atol sa ikaupat nga State of the Nations Address (SONA) ni Presidente Ferdinand Marcos Jr. sa miaging tuig, iyang gibutyag ang mga nadiskubrehan niyang mga kurapsyon ug anomalya sa paggamit sa pundo sa gobiyerno anang mga flood control projects.
Gimando dayun niya ang pag-imbestigar sa tanang proyekto sa gobiyerno, gikan sa flood control, ug tanang imprastrakturang gipatukod sulod sa nakalabay nga napulo ka tuig.
Apil ani ang mga katuigan sa termino nilang kanhi presidente Benigno “PNoy” Aquino III; kanhi presidente Rodrigo Duterte ug sa una niyang tulo ka tuig sa termino (PBBM). Pipila ka mga senador ug mga magbabalaod na ang giimbestigar ubos sa administrasyong Marcos may kalambigitan sa kurapsyon gikan sa flood control projects, confidential funds ug uban pa.
Sa taphaw nga panglantaw, “sa makapabor lang” ang nahitabo, pero maayo ni para sa mga Filipino.