Dear Atty. Divine,
Ang among silingan dunay dakong punuan sa kahoy. Ang ubang sanga, anaa na sa among atop. Nabalaka ko kun adunay bagyo kay basin matumba ug adto ni mapunta sa among balay.
Mamahimo ba nga among sultian ang among silingan nga ipaputol kining maong kahoy? Daghang salamat. —Glenda
Dear Glenda,
Basi sa Article 483 sa atong Civil Code nga kun adunay dakong punuan sa kahoy nga nakahatag og peligro sa publiko o sa mga silingan, obligado ang tag-iya sa kahoy nga mogasto sa pagpaputol niini.
Busa sa imo nga kaso, mamahimo nga imong sulti-an ang imong silingan nga ipaputol ang kahoy kay peligro sa inyo.
Apan kun ang tag-iya way buhatong lakang niini, mamahimo nimo siyang ireklamo ngadto sa barangay aron adto mo maghusay. Thank you and God bless. —Atty. Divine
Alang sa inyong pangutana, palihug lang sa pag email sa flores_ divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.