Dear Atty. Divine,
Ang among kompaniya posibleng manira na. Sa pagkakaron sige na og ka delay ang among sweldo. Matud sa among supervisor karong tuiga hingpit nang manira ang among company. Lima ka tuig nako nga nagtrabaho sa among company ug karon ra ni nahitabo nga na-delayed na ang among sweldo. Kun pananglit manira na sa hingpit ang among kompaniya duna ba mi madawat nga separation pay? Daghang salamat. —Fe
Dear Fe,
Basi sa Art. 283 sa atong Labor Code, ang kompaniya mamahimong manaktak og trabahante tungod sa hingpit nang paghunong sa ilang operasyon niini apan obligado ang kompaniya o employer sa paghatag og separation pay sa ilang mga empleyado nga equivalent og one month or half month per year of service. Sa ato pa, kon manira ang imong company makadawat ka og separation pay sa imong lima ka tuig nga pagtrabaho nila. Thank you and God bless. — Atty. Divine
* * *
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.