Dear Atty. Divine,
Usa ako ka single mom ug nagtrabaho abroad. Naminyo ko og American ug plano unta nako nga dad-on ang akong anak ini’g larga namo sa America kay gusto sa akong bana nga adto na kami magpuyo sa US.
Ang akong pangutana kun mamahimo bang madala nako ang akong anak sa pagkadalaga ngadto US? Daghang salamat.
Lorna
* * *
Dear Lorna,
Yes, mamahimo nimong dad-on ang imong anak ngadto sa US ug mamahimo nimong ilakip sa pag-process ang iyang mga papers dungan sab sa imong mga dokumento.
Basi sa atong Family Code, kun ang bata usa ka illegitimate, ang inahan ang adunay parental authority niini or maoy katungod nga mo-custody sa bata.
Hinuon, usa sa mga requirements sa pag-process unya sa iyang mga papers mao ang Affidavit of Consent gikan sa amahan sa bata.
Apan kun pananglit wa na ka masayod sa nahimutangan sa amahan ug maglisud ka sa pagkuha og consent gikan kaniya, mamahimo ka nga modangop sa DSWD aron sa pagpangayo og Certification nga ikaw ang adunay Sole Custody sa bata ug mao kana ang imong isubmit uban sa iyang mga papers. Thank you and God Bless.
Atty. Divine
* * *
Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.