Dear Atty. Divine,
Ania gyud koy silingan nga labihan na man lang gyud ka tsismosa.
Bisan unsa nalang ang iyang ipakatap nga estorya labot sa akong pamilya. Kaniadto, ako ra ni siya nga gipasagdan.
Apan karong bag-o iya naman gilakip sa iyang libak ang akong anak nga teenager ug iyang gibutang butangan og estorya.
Unsa may angayan nako nga buhaton aron mahunong na ning iyang pagka Marites? Daghang salamat.
Linda
* * *
Dear Linda,
Mamahimo nimong ireklamo sa inyong barangay kanang imong silingan nga nagsige og pakatap og mga negative comments batok sa imong pamilya. Kini aron siya ipatawag sa barangay ug aron kamo mag-areglo.
Kinahanglan nga imo siyang papirmahon ngadto sa barangay nga mohunong na siya sa pagpanghilabot sa inyong pamilya. Apan human sa inyong pirmahanay kun magpadayon gihapon siya sa iyang pagka Marites then mamahimo nimo siyang ikiha og oral defamation kun nakadaut na sa inyong dungog ang iyang gipalakat nga mga estorya. Thank you and God bless.
* * *
Atty. Divine
Alang sa inyong pangutana, palihug lang sa pag-email sa flores_divina@yahoo.com og akong tubagon ang inyong pangutana pinaagi sa akong column matag Miyerkules, Sabado og Domingo.