Dear Atty. Divine,
Empliyado ko sa usa ka kompaniya ug mi-retire ko last year at the age of 60. Nagdawat nako sa akong monthly pension sa SSS. Apan karong bag-o, dunay mitanyag nako og trabaho. Interesado ko nga motrabaho pagbalik kay kuwang ra man ang akong pension sa akong monthly expenses. Apan kun makatrabaho ko pagbalik maputol ba sab ang akong pension sa SSS? Daghang Salamat.
Joseph
* * *
Dear Joseph,
Basi sa Social Security Law of 1997 ang retirement benefits ihatag sa miyembro sa SSS nga nakabayad og at least 120 monthly contributions before sa iyang pagretiro, ug kinahanglan nga miabot na sab siya og 60 anyos ug kining maong pension madawat kini sa miyembro during his lifetime or samtang buhi pa. Sa imo nga kaso, nagsugod ka na sa pagdawat sa imong pension. Apan ang SSS adunay katungod nga moputol sa imong pension kun ikaw motrabaho pagbalik kay wa pa man ka moabot sa compulsory age nga 65 years old. Basi sa SS Law kini nagkanayon nga ang monthly pension masuspenso kun makatrabaho pag-usab ang pensioner nga below 65 years old. Hinuon mabalik ra usab sab kining maong pension sa SSS kun mag-edad kana og 65 anyos og hingpit ka na nga moretiro. Thank you and God bless.
Atty. Divine
Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong inyong pangutana pinaagi sa akong column matag Miyerkules, Sabado ug Domingo.