(Katapusang bahin)
PAG-AMPO SA KONSAGRASYON [4]
Pari: Uban ang malig-on nga pagsalig ug gugma sa Dios, ihalad ug ikonsagrar ang imong kaugalingon ngadto sa Putli Uyamot nga Birhen Maria atong Inahan aron pinaagi sa iyang pangama makalingkawas ikaw gikan sa gahom sa dautan.
Pasyente: (nagaluhod)
O Maria Santisima, Mahigugmaong Inahan, Inahan sa Dios ug akong Inahan nga anaa sa panahon nga gilansang ug namatay ang imong Anak nga si Jesus didto sa bukid sa kalbaryo. Kaloy-I ako nga imong anak. Kaloy-I kining kabus ug nag-antos nga lawas ning ubos mong ulipon. Palingkawasa ako gikan sa pagsamok ug panlupig sa yawa pinaagi sa merito sa imong kasub-anan hatagi ako sa kahupayan nga akong gikinahanglan.
Tak-opi ang bisan unsang abilidad ug gahum nga akong nabatonan pinaagi sa malimbongong gahum ni Satanas ug sa iyang mga yawa. Silang tanan akong gisalikway ug gitahan nganha kanimo sa hingpit.
Kanimo gikonsagrar ko ang akong kaugalingon
Gitahan ko ang akong kaugalingon nganha kanimo!
Nganha kanimo gihalad ko sa hingpit ang akong kaugalingon!
Patalinghogi ang akong mga pangilaba, O hinigugmang Inahan ug Rayna! Pinaagi sa imong dakong gugma ngadto sa imong hinigugmang anak nga si Jesus, kinsa mitugyan Kanako nganha sa imong Inahanong Pag-amoma!
Isunod dayon ang paghilog sa mga sentido [5] ginamit ang Krisma [6]