Dili pa lang dugay nahimong viral na usab ang laing hitabo sa pagpanamastamas sa Sagradong Lawas sa atong Ginoo.
Dunay tawo nga ginganlan og Jayson Hiso nga human nakakalawat ang wala mokaon sa hostiya. Hinunoa iya kining gidrowingan og kinatawo. Dungan ang pagbutang og caption:
“Kainin mo ito Jayson Hiso, Bisan kinsang katoliko nga dunay pagtamod Sagrada Eyukaristiya ang mobati gyud og tumang kasuko gumikan ning maong pagpasipala ug sakrilehiyo.
Nabanhaw na usab ang pangutana kun sa unsang paagi nato himoon ang pagkalawat pinaagi ba sa kamot o sa dila.
Hinuon dinhi sa among Parokya sa kapasidad ingon nga kura paroko ako gimando nga diha sa pagpangalawat kinahanglang gamiton gyud ang dila ug dili ang kamot.
Tumong niini aron malikayan ang bisan unsang matang sa abuso.
Nahanaw ang sense of the sacred diha sa hunahuna ug pagbatii sa tawo hinuon dili tanan.
Kini tungod kay alang sa kadaghanan ang tanang giisip nga Sagrado ug misteryo nisalamin lamang sa tinguha sa transcendence. Ang Ginoo nahimo naman hinuong pakapin sa kinabuhi sa matag usa.
Ug ang Eyukaristiya daw simbolo na lamang ug dili na ang atong gituohan nga Real Presence nga kun buot hunahunaon tinuod gayud ang Ginoo anaa sa bayhon sa Pan ug Bino nga atong gikalawat mao nga seryoso ang atong pagpangandam niini, unta mapasaylo ang nagbuhat sa ingon ug maghatag kini og kabag-ohan sa kinabuhi kaniya nga nakaayo pagbugal bugal sa Ginoo.