Dear Atty. Divine,
Ang akong iyaan namatay na ug duna siya’y katipon apan wa silay anak. Adunay gibiling mga properties ang akong iyaan apan iya kining na-inherit sab gikan sa iyang mga ginikanan.
Ang akong pangutana kun aduna bay katungod nga maka-inherit ang live-in partner sa akong iyaan? Daghang salamat.
Weng
* * *
Dear Weng
Kun inherited ang property ug dili pinalit sa imong iyaan ug sa iyang katipon then way katungod nga mangayo og bahin ang kapuyo sa imong iyaan nga namatay.
Kun aduna pay anak ang imong iyaan, ang iyang anak maoy makasunod sa iyang kabilin apan kay wa man siyay anak so ang iyang share mapunta sa iyang mga igsuon nga nahibilin.
Mas maayo nga inyong pasabton ang iyang katipon nga wa siyay katungod sa maong property kay inherited man kini gikan sa mga ginikanan sa imong iyaan.
Apan kun pananglit ang property pinalit nilang duha sa imong iyaan atol sa ilang panagtipon, then entitled siya sa iyang share kay considered man siyang co-owner sa properties nga ilang na palit atol sa ilang panagtipon. Thank you and God bless.
Atty. Divine
* * *
Alang sa inyong pangutana, palihug lang sa pag email sa flores_ divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.