Dear Atty. Divine,
Dunay property nga napalit ang akong live-in partner. Minyo ni kaniadto ang akong live-in partner apan nagbuwag sila sa iyang asawa sud na sa pito ka tuig but wa sila ma annul. Upat ka tuig na sab mi nga naglive-in. Wa siyay anak sa iyang first wife apan kasal sila. Wa sab mi anak sa akong live-in partner. Last year duna siya'y gipalit nga property og mao kini ang among gitukuran og balay. Plano niya nga i-donate ang maong property ngari nako. Ang akong pangutana kun mamahimo ba nako nga i-transfer sa akong pangan ang title sa maong yuta? Daghang salamat. -- Gwen
* * *
Dear Gwen,
Basi sa atong balaod, void o dili valid ang donation nga himoon tali sa mga tawo nga guilty sa adultery o concubinage at the time of donation. Sa ato pa, void ang bisan unsang donation nga himoon sa imong live-in partner in your favor tungod kay bisan tuod kun buwag siya sa iyang asawa apan tungod kay wa ma annul ang ilang kaminyuon then makonsiderar gihapon siyang minyo ug ang inyong relasyon makonsiderar nga illicit affair. Busa ang bisan unsang donasyon nga iyang himoon nganha nimo makonsiderar nga void. Basi sa Article 739 sa atong Civil Code, og tungod niini, mamahimong questionable ang imong pagtransfer sa title sa maong property ngadto sa imong name.Thank you and God bless. -- Atty. Divine
* * *
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.