Dear Atty. Divine,
Ang akong papa gikatakda nang mo-retire next year. Dugay na siyang nagtrabaho sa iyang company. Kun mo-retire si papa makadawat ba siya og retirement benefits sa maong company bisan kun walay retirement plan ang company? Daghang salamat.
Joseph
* * *
Dear Joseph,
Basi sa Republic Act 7641 kon ang empliyado moabot na og 60 ngadto 65 years old nga maoy mandatory age for retirement og nakaserbisyo na siya og dili mominus lima ka tuig sa maong company then mamahimo na siyang mo-retire sa iyang trabaho og ang kompaniya obligado nga mohatag kaniya og retirement benefits basi sa ilang retirement plan. Kun way retirement plan ang employer dapat mohatag ang employer og 1/2 month per year of service isip retirement pay sa kawani. Basi sa implementing Rules sa maong balaod kini nagkanayon nga covered niini ang tanang empliyado sa private sector regardless sa ilang status og designation lakip na ang mga part time employees. Buot ipasabot nga ang imong papa makadawat gyud og retirement pay sa iyang gitrabahuan bisan pa kon walay retirement plan ang iyang company kay obligado ang tanang employer sa pag hatag niini basi sa balaod. Thank you and God bless.
Atty. Divine
* * *
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.