Gihangyo ko sa usa ka negosyante nga pahatagan og linain nga panalangin ang iyang warehouse. Ang rason mao nga nagpakita kuno ang dili pa lang dugay nga namatay nga trabahante.
Naghikog gumikan sa personal nga problema. Akong gihimo ang pakisusi ang mga trabahante nga naa didto.
Akong nasayran nga nagtakin sila og habak, libreta ug orasyon. Ako silang gipahunat nga kun mahimo ilang i-surrender ang ilang gitangkil nga mga butang aron mamahimong mas sayon ang pagpalingkawas sa maong dapit.
Apan sa akong tan-aw negatibo kaayo ang ilang reaksiyon kay lagi ang libreta dugay na kaayo nga anaa kanila ingon man ang habak.
Malisod alang kanila ang pag-let go ning mga butanga. Mao nga akong gihatagan ang tag-iya ingon og usa ka orientation:
1. Sa Dili ka pa modawat og trabahante susiha daan aron dili ka mahisugamak.
2. Himoang mas mapahari ang Dios kaysa sa mga patuo tuo ug orasyon ang paghupot sa ingon maoy makahatag og contamination nga nakapekto sa tibuok luna.
3. Ang pag edukar kanila ug pagpahibalo nga ang Dios mas gamhanan pa kaysa bisan unsang sabak o tangkil.
Dili tanang nasunod matuod ug madawat. Dili tanang nasunod gikan sa atong mga katiguwangan pagaisipon nga panalangin. Dunay uban kanila nga tunglo ug makadaut gyud kanato. Busa likayan lamang.