Katungod sa mga Pilipino ang pagpahimulos sa ilang kagawasan sa impormasyon gikan sa mga ahensiya sa gobiyerno ilabina nga ang ilang buhis maoy nagbayad sa sweldo sa mga kawani niini.
Kini matud pa ni Senador Robinhood "Robin" C. Padilla niadtong pagdungog sa Freedom of Information (FOI) bill sa Senate Committee on Public Information and Mass Media.
"Karapatan yan ng taumbayan, sila nagpapasweldo sa atin... Higit sa tatlong dekada na rin po itong nakabinbin sa Kongreso (Getting information is the right of the Filipino taxpayers who pay our salaries... The FOI bill has been languishing in Congress for more than three decades)," miingon si Padilla.
Ang FOI bill gipasar sa ikatulong pagbasa sa Senado kaniadto pang 16th Congress.
"Ang pagsasabatas po ng FOI ay magpapatibay ng Executive Order sa pamamagitan ng pagpuno sa mga kakulangan, pagbibigay ng pondo sa mga mandato, at pagtukoy ng mga parusang kriminal (Making the FOI a law will strengthen the executive order by fulfilling the government's mandate and institutionalizing penalties for violators)," he added.
Gitumbok ni Padilla nga ang FOI bill naglangkob sa tanang sanga sa gobiyerno - executive, legislative ug judiciary, local government units, government-owned and controlled corporations, government instrumentalities, government corporate entities, non-chartered GOCCs ug mga state universities and colleges.
Siya nidugang ang publiko adunay katungod nga makakuha og mga detalye sa Statement of Assets, Liabilities and Net Worth sa mga opisyal sa gobiyerno, public interest transactions, dokumento o records sama sa budget expenditures, bidding contracts, procurement plans, utang, ug kontrata nga nagkantidad og P50 milyones pataas .
Ang FOI wala maglakip sa mga kompidensiyal nga detalye may kalabotan sa nasudnong seguridad o depensa, pagpatuman sa balaod, langyaw nga kalihokan, pribilehiyo sa komunikasyon sa presidente, ug impormasyon sa mga sesyon sa ehekutibo sa Kongreso.
Sa maong pagdungog, si Presidential Communications Office Undersecretary Cherbett Karen Maralit miingon nga ilang gipaningkamotan nga mabalanse ang hangyo alang sa impormasyon ug ang katungod sa pagkapribado.