Actually, daghan pa kanatong mga senior citizens ang nag-drive pa, ilabina kadtong bag-o lang nag-60 ang edad. Apan, duna koy mga kaila nga 80 na (ug kapin), nag-drive pa.
Ato na kining nahisgutan dinhi, kadtong 98 na ang edad, taga-Quezon City, nag-drive pa. Mao kini ang giingon nga ang old age is just a thing of the mind. Nia ra sa atong hunahuna. Nga kon maghunahuna ka nga tiguwang na ka, tiguwang na ka.
Kon pila na ang imong edad karon, number lang kana. Giingon dinhi nga gamhanan kaayo ang atong pangutok o paminsar (power of the mind). Ug matud pa, tungod kay ikaw man ang tag-iya ug nagdala sa imong mind, do not tell yourself that you’re getting old.
Ug sa ato na usab nga gihisgutan dinhi, matud ni George Burns (sige la’g wa mo kaila niya), ato siyang kutluon pag-usab, tingali’g nakalimot na mo: “Getting old is inevitable. Being old is not. Sure you will grow old (ang uban kanato dugay nang natiguwang) “But you can stay young – young in looks, young in thinking, young at heart.” Nganong dili man kini nato mahimo?
Kon sa imong pamiste o panapot, nag-yaya ka na lang, wala nay tagad sa pamayhon, ug tiniguwang na gayud ang imong panghunahuna ug pagbati … tiguwang na gyud ka.
Midugang si George Burns: “Simply refuse to grow old (ayaw pagsugot nga matiguwang ka. Be determined to fight it all the way.” Unsaon man: “Wake up happy. Stay healthy. Avoid undue stress. Spread joy. Count your blessings.
“Share your treasures (lisud ni). Keep up with the times (ayaw pagpabiya sa panahon). Be fascinating. Be creative (ayaw pakatulga imong utok). Be well informed (apan ayaw pag-marites, daghan na ta). Grow spiritually (importante ni, paduol kanunay sa Ginoo). Be divine (ayaw padala sa lingla sa kalibutan). Be victorious (pagmadaugon kanunay taliwala sa mga kakulian ug mga hagit sa panahon).
“Live love (puy-i ang paghigugma inay ang pagdumot). Be wonderful. Continue learning (despite sa atong edad daghan pa kita’g angayan ug kinahanglan pang makat-unan). Laugh (ayaw pagmuro). And most all, most important of all … be yourself (ayaw mangopya sa kinaiya sa paborito nimong artista ug mga TV personalities).
Ug karon, kining bag-ong memorandum gikan sa LTO, alang sa mga driver, nga kadtong naghupot sa lima ka tuig o 10 ka tuig nga validity sa driver’s license, dili na kinahanglan nga mo-undergo pa sa prescribed periodic medical examination (PME).
Nindot ni. In may case, for instance, lima man ka tuig ang validity sa akong driver’s license, dili na ko kinahahnglan o moagi pa sa medical examination, kon magpa-renew pa ko.
Matud ni Jay Art Tugade, LTO chief, ang ilang pag-waive sa PME requirement gibasi sa mga pagtuon, sa mga kasayoran nga nahipos, ug sa mga consultation nga gihimo sa agency.
“There’s no empirical data saying that the periodic medical examination could prevent road crashes, and failure to undergo the required PME is not included among causes of road accidents,” nagkanayon si Tugade.
Bitaw, magpa-medical examinations ka, o dili, wa kini labut sa mga traffic accidents.