40% ra ang kahigayonan nga mag-uwan atol sa Piyesta Senyor sa Cebu City karong Dominggo, Enero 15, segun sa tinuyo nga weather outlook sa Sugbo nga gihimo ni Oscar Tabada, retiradong direktor sa PAGASA Visayas. Nangagpas si Tabada og pat-ak pat-ak nga uwan pero sa buntag ra.
Base sa weather models nga iyang gitun-an, nakita ni Tabada nga mapanganuron ang kalangitan sa Cebu City sa hapon, sa hinapos na nga bahin sa grand parade sa Sinulog 2023. Nga makatabon sa siga sa adlaw pero makapugong sab sa paghungaw sa kainit gikan sa ubos.
* * *
Matud ni Tabada uwanon kaayo ang Sugbo ug Kabisay-an sugod karong adlawa (Enero 9) hangtod sa Biyernes (Enero 13): 90% ang kahigayonan sa uwan karon ug ugma (Lunes ug Martes, Enero 9 ug 10)); 100% ang kahigayonan sa uwan sa Miyerkules (Enero 11); 90% ang kahigayonan sa uwan sa Huwebes (Enero 12); ug 80% ang kahigayonan sa uwan sa Biyernes.
Nipuno si Tabada nga 50% na lang ang kahigayonan sa uwan sa bisperas sa Piyesta Senyor (Enero 14); ug motidlom pa gyong kahigayonan sa uwan ngadto sa 40% karong Domingo.
* * *
Duha ka hinungdan ang nakit-an ni Tabada sa arang-arang nga kahimtang sa panahon atol sa Piyesta Senyor:
• Magpalayo na sa Sugbo ang low pressure area (LPA) nga mahimutang na sa silangang bahin sa Northern Luzon sa Domingo; ug
• Mohuyang ang Amihan sa Sugbo ug Kabisay-an (nga nagkahulogan sab nga mahimong mosamot ang kaalimuot atol sa parada).
* * *
Ang opisyal nga forecast sa PAGASA kutob ra sa mosunod nga lima ka adlaw ug igo lang nga nangagpas nga mas uwanon ang mosunod nga mga adlaw tungod sa pagbalik og sud sa LPA sa Philippine Area of Responsibility (PAR) nga nigawas kadiyot gahapon (Domingo, Enero 8).
Kaisog sa pagsulti unsay iyang napanid-an maoy nakalahi ni Tabada sa nahibilin sa PAGASA. Nga magpasalipod sa paborito nilang forecast nga “maayo ang kahimtang sa panahon uban ang pat-ak nga uwan ug dugdog ug kilat.” Kon matinuod ang nakit-an ni Tabada, di kinahanglan nga ibalik ni Mayor Mike Rama ang Sinulog ngadto sa Cebu City Sports Center (CCSC). Pero magpabiling lapok ug di andam ang South Road Properties (SRP).
* * *
Arangkada
Leo Lastimosa
Mopakitang adlaw sa
Piyesta Senyor
40% ra ang kahigayonan nga mag-uwan atol sa Piyesta Senyor sa Cebu City karong Dominggo, Enero 15, segun sa tinuyo nga weather outlook sa Sugbo nga gihimo ni Oscar Tabada, retiradong direktor sa PAGASA Visayas. Nangagpas si Tabada og pat-ak pat-ak nga uwan pero sa buntag ra.
Base sa weather models nga iyang gitun-an, nakita ni Tabada nga mapanganuron ang kalangitan sa Cebu City sa hapon, sa hinapos na nga bahin sa grand parade sa Sinulog 2023. Nga makatabon sa siga sa adlaw pero makapugong sab sa paghungaw sa kainit gikan sa ubos.
* * *
Matud ni Tabada uwanon kaayo ang Sugbo ug Kabisay-an sugod karong adlawa (Enero 9) hangtod sa Biyernes (Enero 13): 90% ang kahigayonan sa uwan karon ug ugma (Lunes ug Martes, Enero 9 ug 10)); 100% ang kahigayonan sa uwan sa Miyerkules (Enero 11); 90% ang kahigayonan sa uwan sa Huwebes (Enero 12); ug 80% ang kahigayonan sa uwan sa Biyernes.
Nipuno si Tabada nga 50% na lang ang kahigayonan sa uwan sa bisperas sa Piyesta Senyor (Enero 14); ug motidlom pa gyong kahigayonan sa uwan ngadto sa 40% karong Domingo.
* * *
Duha ka hinungdan ang nakit-an ni Tabada sa arang-arang nga kahimtang sa panahon atol sa Piyesta Senyor:
• Magpalayo na sa Sugbo ang low pressure area (LPA) nga mahimutang na sa silangang bahin sa Northern Luzon sa Domingo; ug
• Mohuyang ang Amihan sa Sugbo ug Kabisay-an (nga nagkahulogan sab nga mahimong mosamot ang kaalimuot atol sa parada).
* * *
Ang opisyal nga forecast sa PAGASA kutob ra sa mosunod nga lima ka adlaw ug igo lang nga nangagpas nga mas uwanon ang mosunod nga mga adlaw tungod sa pagbalik og sud sa LPA sa Philippine Area of Responsibility (PAR) nga nigawas kadiyot gahapon (Domingo, Enero 8).
Kaisog sa pagsulti unsay iyang napanid-an maoy nakalahi ni Tabada sa nahibilin sa PAGASA. Nga magpasalipod sa paborito nilang forecast nga “maayo ang kahimtang sa panahon uban ang pat-ak nga uwan ug dugdog ug kilat.” Kon matinuod ang nakit-an ni Tabada, di kinahanglan nga ibalik ni Mayor Mike Rama ang Sinulog ngadto sa Cebu City Sports Center (CCSC). Pero magpabiling lapok ug di andam ang South Road Properties (SRP).
* * *