Dear Atty. Divine,
Duna koy pangutana may labot sa gipirmahang dokumento sa akong mga ginikanan. Ang iyang pag-umangkon maoy nag-process sa permit nga gipatukod niini nga residential house. Busa gipapirma ang akong parents og mga papeles may labot niini. Apan wa masayod ang akong mga ginikanan nga giapil diay niya og papirma ang Deed of Absolute Sale sa usa nila ka property ug na-transfer na kini karon ang pangan sa maong property sa ilang pag umangkon? Ang akong pangutana kun pwede pa ba kini mabawi? Daghang salamat. —Jessa
Dear Jessa,
Yes, mabawi kini sa imong mga ginikanan kay ang gipapirmahan nga Deed of Absolute Sale usa ka absolute simulated contract or fictitious contract ug makonsiderar kining void basi sa Art. 1346 sa New Civil Code. Basi usab sa mga nahaunang desisyon sa Korte Suprema labot sa simulated contract kini nagkanayon nga ang maong kontrata way unod o way substance kay dili man kini ang intention sa parties busa wa kini legal effect. Hinungdan nga mamahimo kining bawion sa imong mga ginikanan. Mas maayo nga ila kining sugdan sa pagbawi karon aron sila mismo makapamatuod sa Korte nga wa nila ibaligya ang maong property. Thanks and God bless. —Atty. Divine
* * *
Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.