Dear Atty. Divine,
Duna koy pangutana labot sa yuta sa akong step lolo. Duna siyay 12 ka mga anak ug iyang gibahin ang iyang property ngadto sa 12 ug duna silay tagsa tagsa nga title. Iya sad nga gipahimuan og 3- meters wide nga dalan ang yuta nga gi-subdivide sa iyang mga anak ug duna sab ni title. Nakalatid sa title niini nga dili mahimong isira, ibaligya or iprenda kun way approval sa korte. Kadaghanan sa mga anak mibaligya na sa ilang bahin ug tulo nalang kanila ang duna pay nahibilin nga luna. Karon ang mga nahibiling apo gustong mobawi sa yuta nga gihimong dalan. Ang akong pangutana pwede ba nilang bawion ang maong agianan? Pwede ba sab nila nga ipasira? Duna ba silay katungod nga mobabag kun paninduton ang maong kalsada? Daghang salamat. —Corazon
Dear Corazon,
Kun naka annotate na sa titulo nga ang maong yuta gihimong agianan dili kini mamahimo nilang ipasira, ibaligya or iprenda gawas lang kun duna silay pagtugot sa Korte. Di sab sila mamahimong mobabag kun dunay himoong improvement sa dalan as long as wa mausab ang purpose niini. Apan kun makakuha sila og Court order alang sa pagpasira sa dalan ug pagbawi niini then mapugos gyud mo sa pagrespeto kun dunay desisyon sa korte. Apan kun wa silay court order nga gikuptan di gyud sila makabuot buot sa pagpasira o pagbawi sa maong agianan. Thanks and God bless. —Atty. Divine
* * *
Alang sa inyong pangutana, palihug lang sa pag email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.