(Kataposang bahin)
1. Ang pagdasig sa matag LGUs aron i-mobilize ang bisan unsang transportation alang sa tagsatagsa ka mga constituents niini. Nga sa ato pa, dunay abag ang matag lungsoranon sa ilang pamunoang lungsod ug dapiton ang matag lungsoranon nga dunay sakyanan sa pagpagamit niini. Mas daghan mas maayo aron mabansay ang social distancing.
2. Aron walay gubot ug dili maghuot mahimong lugwayan ang pinugos nga pagpapauli sa katawhan apan dunay assigned municipalities north ug south. (Pananglit: Marso 21 Ang mahimong mouli mao ang mga lungsoranon sa Moalboal, Alegria, Badian (Habagatan) Carmen, Catmon, Sogod sa Amihanan. Kini aron ang tanang biyahe nakasentro lamang ning maong mga dapita kun maghisgot kita og mga Public Utility Transport. Mahimong gamiton alang niadtong mosakay sa mga Sakyananan sa lungsod ang mga dapit sama sa SRP ingon nga parking area ug sa may North Reclamation o SM alang sa amihanang Sugbo alang sa mga sakyanan sa mga LGUs segun sa mga assigned municipalities nga mo pick up sa mga constituents anang adlawa.
3. Ang dunay mga personal nga sakyanan dunay kaugalingong petsa usab sa ilang pagbiyahe pauli aron sa ingon dili mohuot ang kadalanan. Nga sa ato pa, kinahanglang I kontrol ang biyahe kada adlaw aron mabansay gihapon ang social distancing.
4. Matag lungsod duna untay quarantine facility nga halayo sa kadaghanan. Mahimong anaa kini sa kabukiran.
5. Ang di na kinahanglang mouli kay dunay kapuy-an sa siyudad mas maayo nga dili na lang gyud mouli aron pag minos sa bul-og sa mga tawo.
6. Alang sa quarantine pass mas maayo nga matag pamilya usa ray mokuha ug magsilbing errand alang sa pamilya. Aron dili maproblema sa pinalitay mas maayo nga dunay satellite store ug mobile store nga molibot kada barangay aron mobaligya sa mga basic nga panginahanglan sa katawhan sa presyo nga aprobado ug angayan.
7. Ang pag-usab sa atong lifestyle gikinahanglanon. Lisud ning panahona mao nga angayan ang paggakos sa sakrispisyo.
8. Dugang pa, batonan unta ang paglaum. Mas maayo nga ang ma post sa facebook mao ang mga positibo dili ang mga negatibong komentaryo nga makadugang sa tensiyon. Unta ang tanan mamahimong responsable sa paggamit sa social media karon.
9. Labaw sa tanan. Mag-ampo kada pamilya. Kay ning paagiha matabangan kita sa Dios ning atong kahimtang karon. Walay dili mahimo sa Dios.
10. Angay kitang mosunod kun unsay gilatid kay karon dili panahon lamang sa pagbinasolay kondili tinabangay. Kun dunay mga mulo ug pangutana atong paabuton nga mahuman kining maong krisis.
Kining tanan bunga lamang sa yanong paghunahuna ug pagpamalandong sa mga panghitabo karong mga higayona dili kini tungod sa itlog, saging ug? Ambot lang.