Dear Atty. Divine:
Duna akoy napalit nga yuta sa among probinsya. Ang nagbaligya niini mao ang igsuon sa registered owner og duna siyay Special Power of Attorney.
Ako nang gisugdan ang pag-process sa transfer apan akong nahibaw-an nga namatay na diay ang owner sa yuta nga akong gipalit.
Ang akong pangutana kon maka-apekto ba sa validity sa pagbaligya sa property ang pagkamatay sa owner nga maoy nag execute sa SPA? Daghang salamat.
Rica
* * *
Dear Rica:
Ang general rule kon namatay na ang nag execute sa SPA mi-extinguish na usab or wa nay bili ang iyang gipirmahan nga SPA.
Apan basi sa Art. 1931 of the New Civil Code duna kini duha ka exception, ang una kon wa masayud ang gihatagan og authority sa SPA nga namatay na diay ang nag execute niini, og ang ikaduha kon ang third person nga gika transact sa agent is in goof faith.
Sa imo nga kaso, kon gihimo ninyo ang pagpirmahanay sa Deed of Absolute Sale after sa pagkamatay sa tag iya apan wa ka masayud labot sa iyang kamatayon lakip na ang iysng igsuon nga gihatagan sa authority then magpabilin nga valid ang maong Deed of Sale. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.