Asoy kini gikan sa libro nga sinuwat ni Father Malachi kang kansang ulohan: “Hostage by the Devil. Sugilanon kini sa usa ka batan-ong babaye nga inquisitive kaayo sa daghang mga butang.
Tuod man niabot ang higayon nga alang niya daw walay pulos ang bisan unsang pagpasabot labina kun maghisgot ka og relihiyon. Niabot ang panahon nga nahimo ang kausaban sa iyang kinabuhi. Iyang gi-isolate ang iyang kaugalingon gikan sa kadaghanan.
Nahimong mas promiscuous ang iyang kinabuhi sa nagkalain laing mga lalaki. Bisyo dinhi ug bisyo didto hangtud nga niabot ang higayon nga nakigsandurot siya sa kalibutan ni Satanas. Kini mao ang iyang nakat-onan sa iyang pag-inusara.
Gani ang iyang mga ginikanan ug ang iyang igsuon nga si George ang di naman makaduol kaniya. Nausab ang iyang kinaiya ug ang tanan nga anaa kaniya. Hangtud nga gikinahanglan na gyud nila ang tabang sa usa ka exorcist.
Tuod man nahitabo gyud ang exorcism nga taudtaud pud nahuman aron mapapahawa ang mga demonyo nga nisud sa lawas sa maong biktima. Salamat sa Dios kay nahimo siyang gawasnon gikan sa gahum sa dautan.
Ang maong kasinatian nagpahinumdom kanato nga kinahanglan atong lig-onon ang atong relasyon sa usag-usa ingon man ang atong tinguha nga mamahimong magtinabangay panahon sa dakong panginahanglan.
Sugod sa atong panimalay hangtud na sa atong mga kaigsuonan.Kay ang Dios lamang ang tinuod nga tinubdan sa kamatuoran ug dili mahitabo nga ang kamatuoran himoong matuis pinaagi sa bakak. Ang yawa maoy prinsipe sa tanang bakak busa ang tanan nga gikan niya dili gyud katuohan.