Kadaghanan nato ang nakadungog na kun unsay buot ipasabot sa gitawag natong Third Eye ug kay lagi usa man kini ka Occult Terminology ang Philippine Association of Catholic Exorcists (PACE) ang nitawag niini og DEF kun Demonically Enhanced Faculties.
Gitawag kini og Demonically Enhanced Faculties sanglit nahimo man kining agianan sa bisan unsang spiritual harassment ngadto ni bisan kinsang tawo nga naghupot niini.
Ang uban naabli tungod sa mga occult nga mga balansayon ug gani dunay uban nga nahimong at home kaayo niini.
Mao nga panahon sa pagahimoong exorcism kinahanglan nga kini sirad-an aron dili na mahitabo ang lain pang pagsakit sa hingtungdan.
Sa laing bahin, ang GEF kun God Enhanced Faculties mahuptan sa usa usa ka magtutuo labina panahon sa dakong panginahanglan.
Nagpasabot kini og kahimanan labina panahon sa dakong gubat tali sa maayo ug sa dautan diha sa natad sa Spiritual Combat human sa krisis mamahimong sirado na pud kini kay wa naman kinahanglana.
Dili maayo nga mamahimo kitang magsalig sa gitawag nilang third eye kay mamahimong iyang mailad ang atong kahimtang ug panan-aw.
Ang maayo natong buhaton mao nga atong isalig ang tanan ngadto sa Dios ug sud-ongon ang bisan unsang butang diha sa mata sa pagtuo.
Kay mag unsa man tuod kun mamahimo kang focus ra kaayo sa bisan unsa nga giisip nga extraordinary apan nahimong haguka diay sa pakigrelasyon sa Dios, nga maoy mas mahinungdanon kaysa bisan unsang dili matukib nga mga panghitabo diha sa natad sa paranormal apan nahimong abnormal ang imong kinabuhi ug paghigugma sa uban.
* * *
Ang gihatag nga rosaryohan
Dunay batang lalaki kanako mihatag og bracelet nga rosaryohan.
Niingon siya: “Kuya imo na lang na!” Natingala ko sa iyang gipakita hinuon nakamatikod ko nga may bag-o na siyang rosaryohan mao nga iyang gihatag kanako ang daan. Apan tataw kaayo ang mensahe ning bataa.
Pag rosaryo mao nay buhaton. Kay tingali gumikan sa ka busy dili na ko makahimo niini. Nindot ang yanong pahinumdom ni Dodong.
May panginahanglan man o wala dili mahitabong mobiya ang Mahal nga Inahan nga si Mama Maria.
Ug unta sa akong pag-ampo niini ako unta kining pakapinan og gugma.