Dear Atty. Divine:
Nag-abang ko og yuta sud na sa 15 ka tuig ug mao kini ang among gitukuran og balay. Namatay na ang original owner ug karon gusto na mi nga papahawaon sa mga anak sa owner kay gamiton na daw nila ang yuta. Ang akong pangutana kun naa ba mi katungod nga mosupak ug mobabag sa pagpapahawa namo considering nga dugay na mi nagpuyo sa maong lugar? Unsay angayan namo nga buhaton? Daghang salamat.— Imee
Dear Imee,
Bisan kun 15 ka tuig na mong nagpuyo sa maong lugar, di gihapon kamo makabuot kon gamiton na sa tag-iya ang maong yuta. Kini bisan pa kun nagbayad kamo og abang sa inyong pagpuyo sa maong lugar. Kay basi sa balaod, ang tag-iya sa usa ka property sama sa yuta maoy dunay katungod nga modesisyon kun unsay iyang buhaton niini. Kun aduna moy contract nga gipirmahan ang inyong buhaton mao lang ang paghangyo sa tag-iya nga tiwason ang term sa inyong contract, apan kun wa moy pinirmahan then inyo nalang hangyuon ang tag-iya nga hatagan mo og igong panahon aron makapangita mo og kabalhinan. Thanks and God bless.— Atty. Divine
* * *
Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.