Dili lang ang Amerika, bisan dinhi sa atoa o lukop sa tibuok kalibutan, ang kanser nahimong komon nga sakit.
Matud pa didto sa Amerika, nisaka ang gidaghanon sa mga pasyente sa kanser, nga naglabi ang dunay kalabtanan sa utok ug ubang kanser.
Daghang natingala nga luyo sa modernong panambal nga gigamit didto, wala ba diay kini moepekto nga nisamot man hinuon pagsaka ang gidaghanon sa gikanser.
Sa pagkakaron duna na tay igong kahimanan sa pagsumpo sa kanser. Kutob lang ni sa pagsanta ug pawagtang sa sintomas
Mas abtik pa sa doktor ang kanser. Kay di man mahurot og kapuo kay mopasalipod man kini sa mga selyulang buotan, nga maamong intawon makuridas og kamatay panahon magkemo terapy.
Ang mao nga sistima mao lay pagpugong nga di modaghan og balik ang mga selyulang kanser.
Ang duha ka matang sa panambal pulos kini makatabang sa kanser, sama sa medikal (symptoms healing) labi nag sayo pa ni madetek, aduna pay poruhan nga masalbar kita sa grabeng kanser, basta dili pa mokatap ang kanser sa lawas.
Kay dili man kini ang kanser moagresibo kon dominante pa ang mga buotang selyula (good cells) basta nga makasugakod pa ang puwersa sa kusog sa imyun.
Samtang sa panambal nga natural, mao nay moatiman nga ayuhon ang hinungdan ngano kita gikanser.
Sa pagkakaron, daghan nang pagtuon nga nagpakitag paglaum ug nasulayan na ang panambal nga gikan sa prodyus gikan sa kinaiyahan (dietary cures).
Hangtud karon padayon pa sa pagdiskubre sa mas dali ug mas epektibo alang sa pag-ayo sa atong mga balatian.
Mga pagkaon ning mopahimsog kanato. Sulaye ayaw og kaon di ba masakit ka.