* Maglisud sa pagginhawa — Kumon nga senyales sa kadaut sa kidney, kini gumikan sa kakulang sa suplay nga pulang dugo ang lawas. Senyales usab kini nga nameligro sa kadaut ang atong kidney.
* Murag lasang puthaw ang pagkaon —Ini og tilaw sa pagkaon matagamtaman dayon ang elemento sama sa iron, copper, ug uban pa. Nagpasabot kining di na himsog pa ang imong kidney.
Nga usahay mawala ang gana sa pagkaon. Mahimo nga senyales usab kini nga nameligro ang atong kidney. Kini gumikan sa kadugay na nga napundong toksik sa lawas nga morag natay-an ang kidney nga dili na kaayo makatarong sa iyang trabaho.
* Panakit sa lawas — Kanunay magsakit ang hawak kay dinhi dapita nahimutang ang kidney. Mas mosamot ang grabeng panakit kun kini duna nay impeksyon.
* Pagkalipong ug dili kapukos — Importante makapukos kita sa atong buhaton, apan daghag mga hinungdan kini labina og kanunay ta nga malipong kay dili na kasugakod ang hunahuna sa konsentrasyon. Mahimo sab ning senyales sa anemia nga kulang sa dugong pula ug mahimo sab nga ang kidney may deperensiya.
Angay hinumdoman nga unsa may masinating mga senyales sa lawas, ang naglabing maayong buhaton, imo dayong tagdon kini sa labing dali nga panahon, paglikay sa grabeng problema.