Ang kanser maoy usa sa nag-unang hinungdan sa kamatayon sa tibuok kalibutan, ug samtang padayon pa gidiskubtre, daku ang kahigayonan nga kini mas motubo pa. Nga tungod ini, dili kita magsalig sa mga ‘canser lab tests’. Kay ning panahona sa kombensyonal nga paagi kay matud pa wala pay makaayo sa kanser.
Busa maayo nga makat-on kita nga makahibalo sa pag-detect sa sayo nga senyales sa kanser.
Sa ingon, aron makahimo kitag lakang nga sayo pa ato nang masanta nga dili mogamot sa lawas ang kabangis sa sakit nga kanser.
* Kanunay hilantan ug maglisud sa pagginhawa – usa kini sa unang senyales sa kanser sa baga (lung cancer). Kanunay sab sungguhon (nose bleed) o magdugo ang ilong. Kun mamula ang ilong, timailhan nga dunay kadaut sa trombocytes (platelete) o kulang sa pulang dugo. Mahimo nga senyales kini sa anemia, nga ang baga di kasustinir kay kulang kini sa hangin ang dugo.
* Laygay nga ubo, panakit sa dughan ug pangapoy – Daghang tipo sa kanser, apil na ini ang leukemia ug tumor sa baga , nga ang usa sa sintomas mao ang grabeng ubo o panakit sa baga (bronchitis).
Ang ubang masakiton, matud nila manakit ilang dughan, modagan gikan sa abaga subay sa bukton ngadto sa kamot. Sagad sab ini ubanan sa pangapoy nga di masabot.
* Kanunay taas ang temperatura sa lawas – sagad wala sa normal nga kondisyon ang lawas, panugnawon bisag init ang panahon o kaha bugnaw ang panahon alimuotan gihapon.
Mahimong senyales na kini sa leukemia, diin nainutil ang agianan sa dugo (blood vessel) nga nitumaw ang uyok sa bukog (bone marrow) nga di na kaprodyus og dugo nga pula ug puti.
Mas grabe ang kulang sa dugong puti kay mao kini ang makig-away nga santaon ang impeksyons.