Dear Atty. Divine,
Ang akong house and lot akong gi-collateral sa akong loan sa bangko. Payable for 5 years ang akong loan og ang amount niini P500,000.00. Pero ang worth sa akong house and lot P3,000,000.00. Kun pananglit dili ko kabayad sa akong loan og ma-foreclose ang akong house and lot pwede ba nako kuhaon ang sobra sa halin niini kun ilang ipa-public auction? Daghang salamat.
Gina
* * *
Dear Gina,
Base sa Section 4 of Rule 68 sa 1997 Revised Rules of Court, kini nagkanayon nga human mabayri ang utang sa mortgagee gikan sa proceeds sa gi-foreclose nga property kinahanglan nga ibalik sa mortgagee ngadto sa mortgagor o sa nangutang ang sobra nga kwarta gikan sa halin sa property. Buot ipasabot nga kun pilay amount sa utang mao ra sab kana ang kuhaon gikan sa halin sa property ug iuli sa tag-iya ang sobra kun aduna man. So kun ang imong utang P500,000.00 ra unya nahalin sa public auction ang imong house and lot og P3 million then dapat ibalik kanimo sa bangko ang sobra niini. Apan mas maayo gyud nga maninguha ka sa pagbayad sa imong utang aron dili ma-foreclose ang imong collateral kay wa ra bay assurance nga mahalin og mahal ang imong property during the public auction busa para sigurado bayri nalang gyud ang imong loan. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.