* Puting harina (white flour) - Ang giprosesong harina nga gipaputi pinaagi sa bleaching solution, mawala ang tanang nutrens sa harina ug ang nahibilin mao na lang ang abog sa asido nga namilit sa harina. Kemikal nga chlorine gihapon kini nga grabe makadaut kon hanggapon.
Maka-trigger nig mga problema nga mopataas sa lebel sa insulin ug sa diabetes. Usa sa komplikasyon ini mao ang kanser, kon kanunay ni konsumohon ang mga produkto niini.
* Parat ug pinaasuhan nga pagkaon – Mga pagkaong pinaasuhan sa kainit sama sa barbekyu (grilled), sagad ini gi-marinate ug gipreserbar og kemikals nga nitrate, nga kon mapahiran og mantika nga molagom o mapaig, daku sab ang risgo nga madebelop ang kanser, sama sa colon ug stomach cancer.
* Giprosesong karne – Mao ra ba ni ampay nga madali nato konsumohon sama sa hamburgers, soreso, ham, karne norte ug sausage.
Taas sab nig risgo nga makakanser, busa maghinayhinay ini kon mahimo likayan ni aron dili maproblema.
* Hydrogenated oil – Pangluto nga mantika kini nga gi-istrak gikan sa soy, canola, ug sa olive, nga nakadugtong kini kanunay sa mga kaso sa kanser. Makasakit sab nis kasingkasing, depekto sa panganak ug ubang kadaut sa lawas.
* Mga isda sa fishpond – Kay kalagmitan ini sagad linawgan og mga pagkaong sinambogan og kemikals (fishfoods), apan dunay natural nga lawog pero toksik sab gikan sa hugaw sa mananap, kuyaw mosud nis lawas ug makanser ta.
* Linatang tomato sauce – Basta produkto nga linata, halos nagbaton nig additibo ug preserbatibong kemikals nga sagad makabalda sa aktibidad sa mga hormones sa lawas.
Bisag makahimsog ang lycopene sa tamates, mawala kini kon giproseso na pinaagi sa linata. Daghang makakanser pa nga di maato nga sulaton.