Kini ang mga pulong gisulti ni Maria sa dihang natino niya nga tinuod gyud ug dili tiaw ang gipamulong ni Arkanghel Gabriel ngadto kaniya nga mamahimo siyang inahan sa Diyos nga nagpakatawo. Nahimo siyang nagmanggihatagon dili lang sa iyang panahon diha sa pagpaminaw kondili diha sa iyang kaugalingong pagkatawo mismo. Bisan pa man kun naa niini ang dakong hulga mismo sa iyang kinabuhi. Kay kaniadto ang si bisan kinsa nga masakpan nga mabdos apan dili asawa ang mahimong silotan sa kamatayon pinaagi sa pagbato. Apan bisan pa niini, si Maria nirisgo tungod sa iyang pagtamod sa kabubut-on sa Diyos. Ning adlaw sa pagkatawo sa atong Ginoo unta, himoon natong prayoridad ang kabubut-ong Diyosnon. Kay ang Christmas mahitungod man sa kang Cristo ug ato kining saulogon uban ang kalipay ingon man diha sa diwa sa pag-ampo.